سعاد اغجو
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.
سعاد اغجو

التواصل بين الاصدقاء وطرح المواضيع لنقاش


أهلا وسهلا بك زائرنا الكريم, أنت لم تقم بتسجيل الدخول بعد! يشرفنا أن تقوم بالدخول أو التسجيل إذا رغبت بالمشاركة في المنتدى

شهوات لالة مولاتي ميد رديو فقط مع سعاد اغجو

اذهب الى الأسفل  رسالة [صفحة 1 من اصل 1]

سعاد اغجو

سعاد اغجو
Admin

??لافوكا معمرة بلقمرون??

المقادير
حبات لافوكا حسب عدد افراد الاسرة
رابعة قمرون مقشر
معلقة صغيرة زبدة
شوية ملح و ابزار
2 معالق كبار مايونيز
معلقة كبيرة كتشب
معلقة صغيرة عصير حامض
الطريقة
في مقلة على عافية مهيلة غادي نشحرو القمرون لي نقيناه مع معلقة الزبدة ونتبلوه شوية ملح و ابزار حتى اطيب القمرون ونخليوه على جنب ابرد شوية
نحضرو الصلصة معلقة كتشب و 2 معالق كبار مايونيز نخلطهم مزيااان مزياان ونضيفو عليه القمرون لي شحرناه
ناخدو لافوكا نغسلوها و نقسموها على 2 على طول نحيدو نوات ديالها و في الوسط نوضعو الحشوة ديال القمرون و نزوقوه بالبيض مصلوق محكوك و بالصحة و الراحة


??حوتة كبيرة معمرة صلصة مطيشة و بالقمرون ??
المقادير
حوتة كبيرة حسب عدد افرد الاسرة
كيلو مطيشة
علبة فطر اسود
نصف كيلو قمرون
شوية زيتون خضر مقطع طريفات صغار
ملح و ابزار و تحميرة حلوة + قزبور ومعدنوس بزايد + ثومة و كمون و زعرفان ملون و معلقة كبير حك مطيشة و شوية هريسة وكاس صغير مخلط بين زيت رومية و البلدية
الطريقة
ناخدو علبة الفطر نديروها فماء سخون حتى اتنفخ ونصفيوه ونغسلوه ونقطعوه طريفات صغار ونخليوه على جنب
في اناء نخلطو قزبور ومعدنوس و ملح و ابزار و تحميرة حلوة +3 ضروس ثومة و كمون و زعرفان ملون+عصير حامضة صغيرة+وكاس صغير مخلط بين زيت رومية و البلدية نخلطو كولشي مزيان ونزيدو كمية من القمرون مغسول ومنقي ونخليو زلافة صغيرة لصلصة نضيفو ايضا هذاك الفطر لي قطعناه و الزيتون و الهريسة نخلطو الخليط ناخدو الحوتة لي غسلناها مزياان ونقيناها ونعمروها بلعمارة ديال القمرون و نسدوها من جناب بعواد كيغدون باش ماتخرجش الحشوة
ناخدو 3 حبات مطيشة نغسلوهم ونقطعهم دوائر ونستفوهم في لاطة مدهونة معلقة زيت ونوضعو فوق دوائر مطيشة الحوتة الشرمولة لي بقات لينا ندهنو بها فوق الحوتة ونغطيوها بابي اليمنيوم وندخلوها طيب تقريبا 45 دقيقة
نحضرو صلصة نديرو في مقلة على عافية مهيلة 3 حباة مطيشة بدون زريعة اكونو منقين ومحكوكين نزيدو4 معالق زيت + ابزار + كامون+ ملح+ تحميرة +و2 ضرس تومة محكوكين وهريسة و شوية قزبور ومعدنوس ونزيدو معلقة حك مطيشة نحركو مزيان ونزيدو القمرون لي بقا لينا فاش طيب الصلصة و طيب الحوتة نقدمو الحوتة و نزينو بالصلصة في جناب و التزين حسب الاختيار

----------------------------------------------------------------------------------------------

??وصفة حموضة المعدة ??
قشور الرمان مكرمين مطحونيت مزياان نخلطهم مع ياغورت مسوس نبقاو ناكلهم
??وصفة تنظيف و تبيض اليدين و الرجلين ??
ناخدو بانيو نديرو فيه ماء سخون نزيدو شوية نترون مع شيح ونعملو فيه اليدين و رجلين ونخليوهم حتىى ابرد الماء ونشفو بفوطة نخدو من بعد ماسك 2 معالق عصير بطاطة نخلطوه مع 2 معالق عصير حامض 2 معالق كريم كلسرين معلقة ياغورت و راس معلقة شبة مطحونة نخلطو المكونات ونديرو الماسك لرجلين و اليدين نديرو قفزات و تقاشر ديال القطن نباتو بهم في صباح ونغسلو عادي مع المداومة ابان الفرق و بالصحة و الراحة
??العناية بالقدمين ??
ناخدو كريم الكلسرين + عصير حامض
ونديرو ماسك على رجلين نديرو تقاشر حتال صباح ونغسلو الرجلين
??وصفة الشعر الجاف ??
3 قشور بنان + قرعة صغيرة زيت كوكو + 4 معالق زيت الزيتون نخلطهم حتى نحصلو على كريمة ثم نوضعوهم على شعر ديالنا ونغطيو شعر ديالنا بفوطة غطسناها فماء سخون وعصرناها نخليوه اطول مدة ونغسلو الشعر ديالنا ونداومو على الوصفة
??ترطيب الشعر??
2 البنانات مع معلقة زيت اللوز نصف كاس عصير خيزو نطربو حتى نحصلو على كريمة ونديروها للشعر ديالنا ونديرو فوطة عطسناها فماء سخون وعصرناها نغطيو بها الشعر ديالنا ونخليوه 3 ساعات ونغسلو الشعر ونداومو الوصفة ونبقاو نهنو الشعر بزيت الكوكو
??وصفة تبيض الوجه ??
2 معالق حلبة مطحونة +2 معالق ياغورت+2 معالق حليب سائل
نضيفوهم للوجه مدة ساعة ونغسلو الفرق تاي بان على 5 ايام الى داومنا الوصفة
??وصفة تساقط الشعر??
زيت الزنجلان و زيت اللوز نخلطهم بكميات متساوية ونبقاو ندهنو بهم الشعر ديالنا
??وصفة تبيض الاسنان ??
3 معالق عسل حر+2معالق فاخر مطحون+2 معالق زيت النعناع
اتخلطو ونبقاو نحكو بهم الاسنان بالفرشات ولا قطن
?? وصفة ازالة النقط السوداء ??
معلقة دقيق الشعير+ بياض بيضة بلدية
نطربو بياض بيضة بلدية حتى اولي فحال ثلج نزيدو عليه معلقة دقيق الشعير
نخلطهم ونديروهم على البلاصة لي فيهم لبوان نواغ مدة 20 دقيقة ونغسلو بماء بارد ثم ماء دافئ
?? وصفة العناية باليدين ??
معلقة عصير حامض+ معلقة زيت البلدية +معلقة سنيدة
نخلطهم ونديروها لليدين بحال كوماج ونغسلو اليدين الوصفة كات نقي اليدين
?? تبيض الاسنان ??
2 معالق سنيدة + معلقة ملحة عادية + 2معالق دقيق قمح +معلقة زيت البلدية
نخلطوهم ونبقاو نضفو بيهم الاسنان مع المداومة
?? وصفة تبيض الاسنان ??
خبز المحمص محروق مطحون نخلطه مع عسل الحر
نخلطهم ونبقاو نحكو بيهم الاسنان ونعاونو بعصصير الحامض نبقاو نمسحو به الاسنان ديالنا مع المداومة
?? وصفة مشكل في الدورة الشهرية ??
معلقة زريت خيزو مع معلقة قعقلة نتبخهم ونصفيوهم ونبقاو نشربهم قبل فترة الحيض ب 4 ايام كل شهر مع المداومة
?? ازالة التجاعيد من الوجه ??
بنانة نمعكوها مع عصير توت ونديروها للوجه ديالنا مدة 15 دقيقة ونغسلو بالماء الدافئ مع المداومة
?? وصفة العناية بالوجه الدهني??
ناخدو نخالة ونخلطوها مع ماء ورد طبيعي و نديروها لوجه مدة 15 دقيقة نمسحو بماء ورد ونغسلو بماء دافئ مع المداومة
?? وصفة للعناية بالوجه لي فيها لحبوب ??
- ناخدو ورق الكرومب نغليوه وناخدو غير الماء نديروه في قرعة نخليوه في ثلاجة ونبقاو نمسحو بيه الوجه
- ايضا نخدو البابونج نغليوه ونصفيوه ونديروه في قرعة نديروه في ثلاجة نبقاو نمسحو به الوجه ديالنا
- ايضا خيزو ناخدوه نحكوه بلقشرة نخلطوه مع عصير حامض نخليوه نصف ساعة ونعملوه للوجه مدة 20 دقيقة ونمسحو بماء ورد
- ايضا عصير خيزو مزيان لبشرة الحساسة نخلطوه مع عسل الحر
- ايضا ماء مع نترون و الماء نبقاو نضفو بيه الوجه
ايضا ماء المعدنوس
نحاولو مان كتروش المكياج ونغسلو في الليل البشرة من المكياج
?? صباغة الشعر ??
**صباغة الشعر الاكاجو
4 معالق حنة +معلقة زعفران حر+2معالق ااتاي اسود مطحون+ 4 معالق سواك مطحون نعجنوهم بخل تفاح حسب الخليط وحسب طول الشعر مع المداومة نخليوه مدة 2 ساعات ونغسلو الشعر
**صباغة الشعر اشقر
2 معالق زهر + 2 بيضات بلدين +عصير 2 حمضات+ حفنة البابونج
نخلطو المكونات 2 عاد نزيدو حفنة البابونج +عصير الحامض ونخلطوهم
نخليوهم اطلقو شوية عاد نحيدو حفة البابونج ونديرهم لشعر ديالنا ممكن نخليوه نهار كامل
?? وصفة تنقية الوجه ??
روز مطحون + ياغورت +مع حليب غبرة + شوية ماء ورد
نديروهم للوجه حتى انشف ونغسلو الوجه

__________________

فتيحة من البيضاء

كيكة مسقية
3 بيضات
2 خمارات
2 كيسان طحين
كاس سنيدة
100 غرام شكلاط خبرة
كاس ماء بارد
كاس زيت
ناخدو كاسرونة نديرو فيها ماء وزيت وكاكاو و سنيدة نخليوهم حتى اعقدو شوية نحطوه على جانب
ناخدو اناء نطربو فيه البيض ونزيدو الخليط الاول بعد ما نقصنا كاس من الخليط ونطربو ونزيدو دقيق و الخميرة نخلطوهم وندخلوها للفران طيب فاش نخرجوها نسقيوها بداك الكاس لي خلينا فيه الخليط ونرشوها باللوز مهرمش

كرص بلبطاطة
رابعة البطاطة مصلوقة ومطحونة
2 بيضات
1 فاني
1 خمارة
شوية خميرة
كاس حليب
كاس سنيدة
كاس زيت
شوية ملح
طحين حسب الخليط
ناخدو بطاطة لي طحنا نزيدو عليها جميع المقادير نخلطو ونزيدو طحين تجي ماجرية ما قصحة نخليوها ترتاح نصف ساعة نكورها على شكل كريصات وندهنوها بالبيض وندخلوها لفران و التزين حسب الدوب اما بكونفتير و الكوك ++
__________________

ام زينب من الرباط
حامض مصير
كيلو حامض بلدي
نغليو الماء ونبقاو نكبو الماء يوميا ونصفيوه مدة 3 ايام
نهار 4 نشقوه على 4 ونديرو فيه شوية ملح
نديروه فشي قرعة نديرو من الفوق شوية زيت البلدية و 3 ضروس ثومة و اوراق سيدنا موسى
الحامض خص اجي مزير شوية في القرعة تاي طلق الماء نخليوه حتى اطيب
كعب غزال
الحشوة
كيلو اللوز مقشر وناشف مزيان
نصف كيلو سنيدة
100 غرام زبدة
نصف كاس ماء زهر
العجين
نصف كيلو طحين بيض
200 غرام زبدة
نصف كاس ماء زهر
قبصة ملح
ناخدو اللوز نطحنوه مع سنيدة 2 مرات اتطحن نزيدو الزبدة بوماد مع ماء الزهر نخلطوهم مزيان
نخليوه على جنب
ناخدو العجين ندوبو الزبدة + ملح و طحين و نعجنوه بماء الزهر فقط
العجين خص اكون قاصح
نطلقو العجين ونشكلو لكعاب ونستفوهم في لاطة ونتقبوهم ونخليوهم ليلة كاملة في صباح نشدو شوية زبدة وندوزو على كل كعب باليد ديالنا وندخلهم للفران اطيب شوية ونخرجوه نشدو بيض بيضة وندهنوه وندخلوهم اطيب و بالصحة و الراحة
__________________

عتيقة من مراكش

**صلصة البشاميل **
3 معالق طحين
لتر لاروب حليب
نصف معلقة ابزار
نفص معلقة حبة كوزة محكوكة
100 غرام زبدة
2 معالق معدنوس مفروش
ناخدو كسرونة نديرو فيها حليب و طحين وملح و الكوزة نديروهم فوق العافية حتى تعقد ونزيدو زبدة و ابزار و المعدنوس ونحركو و بالصحة و الراحة
الطريقة 2 صلصة البيشاميل
2 كيسان كبار حليب
40 غرام زبدة
50 غرام طحين
صفر بيضة
100 غرام فرماج مربع
شوية ملح
نصف معلقة ابزار
نصف معلقة كوزة محكوكة
ناخدو كاسرونة نديرو فيها طحين +حليب + صفر بيضة +و الملح + كوزة نديرو فوق نار حتى اعقد ونضيفوو ليه الفرماج مربع و ابزار و الزبدة و بالصحة و الراحة
_______

https://soadirijou.3oloum.com

الرجوع الى أعلى الصفحة  رسالة [صفحة 1 من اصل 1]

صلاحيات هذا المنتدى:
لاتستطيع الرد على المواضيع في هذا المنتدى