كعب غزال
نزهة من طانطان
نصف كيلو الفورص + 2 معالق ك الزبدة واخدة حرارة المطبخ
معلقة ك السكر كلاصى + نصف كاس ص ماء الزهر
وتجمع بالماء تكون متوسطة
الحشوة
نصف كيلو اللوز مصلوق وتغسل بالماء البارد وتمسح وتطحن وحده
والمرة 2 طحنيه مع السكر كلاصى وضيفى ليه قطرة من روح الزهر
ومعلقة ك من الزبدة وتدلك مزيان شى 10 دقايق وتعمل منه صبيعات
دوبى 2 معالق ك الزبدة وتخلط مع كاس ص الزيت وتبقاى تدهنى
بيه
تاخدى الكويرة وتسرح غير شوية الجهد اللى تخدمى بيه وتكون
رقيقة
وتعملى الصبيعات وتلف العجين وقوسى وقطعى
وتعمل فى طاوة مدهونة تتقب وتدهن بزبدة لينة برؤوس الاصابع
وتبات حتى للغد وتعاود تتقب وتدهن وتدخل للفرن على نار هادئة
منين
تبغى تنزليها للتحت تدهن ب 2 بياض البيض مخلط مع معلقة الزيت
والا بغيتيه صفر عوض بياض البيض عملى صفر البيض
غريبة
صلقى اللوز والقشور دياله عمليهم فى الفرن يكرمو وطحنيهم حتى
يولى بودر
رابعة الزبدة + رابعة سكر كلاصى + 2 كيسان العنبة الزيت تخلط
وضيفى
2 معالق ك بودرة كاكاو و 3 معالق ك بودرة قشور اللوز وكاس
الزنجلان
محمر وصاين ومعلقة ص القرفة و 3 خمارات وشوية خميرة الدار
تخلط وضيفى الطحين وتعمل كويرات وتدخل لفرن وهو سخون حتى
تشقق عاد
طلعيها للفوق
بسطيلة الدجاج
فى طنجرة عملى دجاج تقريبا 3 كيلو مع ملح ومعلقة ص سكنجبير
ونصف معلقة القرفة و الابزار وراس معلقة زعفران ملون
وشوية الزعفران شعرة وكاس الماء الكل يتشحر حتى تشرب عاد
ضيفى
نصف كاس الزيت وكيلو البصلة مشلضة تقلى وضيفى الماء الكافى
والربيع مخلط مقطع وضامة البنة الدجاج منين يطيب الدجاج زوليه
وخلى البصلة تختار وضيفى ليها معلقة السنيدة كبيرة ومباشرة
ضيفى
12 بيضة وحدة بوحدة منين يطيب البيض صفيه واحتافضى بالمرق
الدجاج زولى ليه العضم وضيفى ليه 2 معالق من المرق ومعلقة ك
سكر كلاصى وراس معلقة القرفة وخلطى
نصف كيلو اللوز صلقيه وقليه فى زيت بارد وطحنيه مع 200 غرام
سكر كلاصى وضيفى معلقة ص القرفة
3 ورقات من البسطيلة تحمر فى الملقة
صينية تدهن بالزبدة وفرشى الورقة عملى خليط البيض ضيفى
الورقة
المحمرة والدجاج + الورقة تم اللوز وتجمع
شهيوات جميلة ام خلود من جديدة
غريبة الكوك
المقادير
6 بيضات
2 كيسان عنبة سنيدة
كاس زبدة
كاس زيت
1 ياغورت فاني
علبة فواكه معسلة
نصف كيلو كوك + كاس و نصف عنبة كوك
2 خمارات
2 فاني
2 حتى ل 3 كيسان ديال الفورص الجيد (حسب الخليط)
التزيين
مازهر و كسر كلاصي
الطريقة
نخلطو البيض و سنيدة و الفاني و الزبدة و الزيت و الياغورت و
الفواكه معسلة
(الى كانت كبيرة نقطعوها شوية) ثم نزيدو الكوك ثم الطحين شوية
بشوية حتى
يتجمع الخليط خاص العجينة ما تكونش قاصحة (تكون بين و بين )
ثم ندهنو
يدينا بمازهر و نديرو كويرات من الخليط دون ضغط و نغبروهم مزيان
بالسكر
كلاصي و نحطوهم بالمهل فوق لاطة مدهونة و ندخلو الحلوى
للفران تطيب من
الوجه اولا ثم نطيبوها من التحت
ديسير من بواقي الكيك
المقادير
بقايا الكيك
زلافة قهوة طايبة
كاس حليب غبرة
2 مع ك نشا
2 م ك سنيدة
2 فاني
نصف لتر ماء
فيرميسال الشكلاط
الطريقة
نخلط الماء مع النشا حتى يذوب و نزيد الحليب غبرة و السكر و
فاني و نخلط كلشي و نديرو الخليط فوق نار مهيلة حتى يعقد مع
التحريك يولي كريم
ناخد زليفات و نغمس شرائح الكيك في القهوة و نديرو طبقة اولى
ديال الكيك ثم طبقة ديال الكريم وفوقها طبقة كيك مغموس في
القهوة و هكذا
حتى نكمل
الطبقة الاخيرة تكون ديال الكريما و نزين من الفوق بفيرميسال
الشكلاط و ندخل الزليفات للثلاجة يبردو مزيان ثم نقدموهم
مربى الحامض
كيلو حامض مغسول مزيان (الى كانت فيه نقط سوداء نحكوه
بشيتة)
كيلو الا ربع سنيدة
2 كيسان كبار ماء
الطريقة
نديرو الحامض صحيح في كوكوت و نغطيوه بالماء و نسدو الكوكوت و
نحسبو 10
دقائق بعد الصفارة ونخليوه يبرد شوية و نزولو ليه شوية من التفل و
نطحنو
القشور مع شوية التفل اللي بقى في الخلاط الكهربائي مع 2
كيسان ديال الماء
اللي عندنا و منين يتطحنو مزيان نردوهم للكوكوت و نزيدو عليهم
سنيدة و منين
يغلي الخليط نقصو عليه النار و نخليوه يتعسل مع التحراك كيحتاج
تقريبا ربع
ساعة و منين يوجد المربى نخليوه يبرد و نديروه في قراعي و
نحتفظ به في
الثلاجة
حلوى المرشم بكاوبيل
العجينة
2 بيضات
125غ زبدة
نصف كاس عنبة زيت
خميرة الحلوى
ا سكر فانيليا
نصف كاس عنبة سنيدة
4ملاعق شكلاط غبرة
طحين حسب العجين
مربى للتزيين و الفرميسيل ملون او تونيك محكوك
** الطريقة **
كتخدموا الزبدة و السكر مزيان
تضيفوا الزيت و تخلطوا مزيان ثم البيض و يخلط
ثم نضيفوا باقي المكونات لنحصل على عجين لين ما قاصحش بزاف
نعملوا منه كويرات
نرشموهم بمرشم الوردة و نرسلوهم للفرن تقريبا 15د
اول متخرجوهم لصقوا كل زوج بالمربى و زينوا الجوانب اما
بالفرمسيل او بالطونيك مهرمش**الطونيك هو بيمو الباسطا
حلوة الكوك على شكل هلال
المقادير
نصف كيلو كوك مطحون – 10 أصفر بيض – ربع كيلو سكر سنيدة –
معلقة زبدة – كأس عنبة ماء زهر – – 4 أبيض بيض مخدوم كالثلج
الطريقة : فوق نار هادئة جدا , ذوبي السكر مع ماء الزهر. طربي
أصفر البيض جيدا ثم خلطيه مع الكوك و الزبدة. أضيفي السكر
المذاب و الدافئ
شيئا فشيئا. خلطي الكل ثم سرحيه فوق الطاولة و قطعيه
بالمرشم أو بكأس صغير (على شكل هلالات) . ذهني وجه كل
هلال بأبيض البيض .
ممكن أضافة الفواكه المصبرة إلى الخليط.كما يمكن تبديل الكوك
باللوز
غريبة باللوز
المقادير:
500 غ لوز مسلوق مقشر و مطحون - مسكة حر
قليل خميرة حلوى
3آصفر بيض وبيضة كاملة
250 غ سكر كلاصي
2 ملاعق قشرة ليمون محكوة.
لتزين
سكر كلاصي و مرشم خاص بغريبة .
الطريقة :
يخلط لوز +مسكة حر +خميرة حلوى +250غ سكر كلاصي +قشرة
ليمون تجمع ببيض .نعمل بخليط كويرات بحجم مشمشة ثفند في
سكر كلاصي
وتزين بضغطها قليلا بمرشم او تضرب بجوانب بسكين 5ضربات
متساوية مسافة ومائلة قليلا للحصول على شكل وردة. تطهى في
فرن متوسط
عصير
1بطاطس متوسطة الحجم مصلوقة ومزال قشرتها
سنيدة حسب الذوق
1فاني
4فريزات
سيرو رمان
اللبن
الطريقة:
نخلط الكل
عصيرموزتان
نصف كلغ جزر
دانون1
4ملاعق نستلي
الطريقة:
يقطع الجزر يصلق
يبرد وتضافاليه المقادير الاخرى
يطحن في المازجة الكهربائية
ويقدم باردا
العصر
ير
كأس كبير من الحليب و مثله من عصير
البرتقال
2 فرماج la vache qui rit
ياغورت بالنكهة التي تحبين
طريقة تحضير
العصير
توضع جمع المقادير في الخلاط الكهربائي
حتى تخلط جيدا
ويقدم العصير بعدما برد
شوربــــــــة الحـــــوت
2بورو
ربطة كرافس
2 خيزو
2 بطاطا
g 250هبرة الحوت
2ملاعق كبار زبدة
ملح ابزار
ملاعق كبار طحين
لتر و ربع ماء
2ملاعق كبار قشدة طرية
زلافة قمرون مقشر
معدنوس للتزيين
نقطعو الخضر مكعبات صغيرة بعدما غسلناها وقشرناها
تقطعو هبرة الحوت الى قطع متوسطة و نحمرها فمقلاة مع الزيت و
نحيدوها
ونديرو بلاصتها الخضر المقطعة و نحركو نضيف الملح ابزار ثم
الطحين مع
التحراك و نضيف الماء و نخلوها طيب لمدة ربع ساعة
لما تطيب الخضر نضيف القشدة الطرية و القمرون و الحوت اللي
حمرنا و نخلوه
يغلي لمدة 3دقايق ونزولوه من النار و نقدمها مزينة بالمعدنوس
المقطع
كيك البنان
المقادير
2 بنانات صغار او 1 كبيرة
2 بيضات
كاس عنبة زيت ماعامرش
كاس عنبة سنيدة ماعامرش
2 خمارات
2 كيسان عنبة دقيق
2 بنانات او تفاحات للتزيين
الطريقة
نطحن في الخلاط الكهربائي البيض + سنيدة + البنان + الزيت
نطحن الكل ملي
تجانس العناصر نخوي الخليط في اناء و نزيد عليه الدقيق و
الخمارات و نخلط
ونخوي الخليط في مول مدهون و مرشوش و نزوق من الفوق
بالشرائح ديال التفاح
او البنان ندخلها لفران طيب
طورطا سريعة بكريما البرتقال المقادير
12* ملعقة كبيرة عصير برتقال
12* ملعقة كبيرة زيت
*قبصة ملح
6* معالق كبار سنيدة
2* بيضات
1* خمارة
1* فاني
9* معالق كبار دقيق
التزيين
*بنانة مقطعة دوائر
مقادير لاكريم
*كاس كبير عصير برتقال
3* معالق كبار سنيدة
2* معالق كبار مايزينا
الطريقة
نديرو العصير مع الزيت و سنيدة وشوية الملحة و الفاني و البيض
في الخلاط و
نخلطو مزيان ثم نزيدو الدقيق و الخمارة و نخلطو بالملعقة او الظراب
ثم نصب
الخليط في مول مدهون بالزبدة و مرشوش بالدقيق و ندخلوه للفران
مين تطيب الطورطة كنخرجوها و نخليوها تبرد
كيكةكاوكاو
نطحن في الخلاط الكهربائي كاس سنيدة + كاس حليب + كاس
زيت + كاس كاوكاو
محمر ومطحون نخلطهم مزيان حتى نحصل على كريمة ونعزل منها
كاس
ونضيف 4بيضات + 2 خمارات والدقيق حسب الخليط ندخلها لفران
معتدل
ملي تطيب خليها تبرد ونصب فوقها داك لكاس الي عزلنا
كيكة بالجزر
4 البيضات
1 كاس السنيدة
1 كاس الزيت
1 كاز الجزر محكوك رقيق ويكون الكاس عامر بزاف
1 دانون الفريز
3 م ك الخل
3 م ك الكاكاو او حسن اللون للى بغات كل سيدة
3 الخمارات
1 فانى
طحين
نطربو ابيض البيض متل التلج مع قبصة الملح وندخلوه للمجمد
ماشى للتلاجة
فى الخلاط نعملو اصفر البيض وسنيدة نخلطوهم مزيان تم الزيت
ودانون والجزروالخل والكاكاو ونصبوه فى انية ونضيفو الطحين مع
الخمارات وابيض
البيض نصبوه فى المول وتدخل للفرن ملى تبرد ممكن تدهن
بالشكلاط مدوب مع دانون ونرشو عليها الشكلاط محكوك او نعملو
الكلاصاج فيه كاس
الماء+1/2 كاس السنيدة+1 م ص نسكافى+طرف الزبدة او الزيت
+شكلاط غبرة الكل على النار حتى يختار ونصبوه على الكيكة
وتزش بالشكلاط
ابيض محكوك او تقسم على 2 وتعر بلكريم.....
عصير الخيار
2 خيار- 6م سكر- عصير حامضة و نصف و نصف لتر ما نطحن و
يتصفى و نشرب
مربي الطماطم
2 كيلو مطيشة نديرها فالما غليان 5 د و نحيد ليها القشرة و
نطحنها و نصفيها
باش تحيد الزريعة و نديرها فطنجرة الضغط مع كيلو سنيدة و نحركها
بشوية حتى
تعسل و لما تقرب تطيب نضيف الفلان ديال الفريز نحركها شوية و
نطفي عليها و
نديرها فقريعات معقمين و كتجي فحال ديال الفريز
غريبة بالشريحة ساهلة
: غ500 لوزيتسلق يطحن مع غ250 سنيدة ونزيد معلقة ماء زهر و
250غ شريحة مبخرة ممعوسة و2م ك سميدة رقيقة + خمارة + 3
صفار البيض يخلط الكل جيدا نشكل غريبة ما صغيرة ما كبيرة ندخلها
الفرن تطيب عند خروجها تفند في سكر كلاصي
الفرماج
نصف لتر الحليب
2 كيسان نيدو
2 فرماجات كيري
خمارة
ملح
نخلطو كلشي فالخلاط حتى يعقاد ونديروه فالثلاجة
عصير لتحمار الوجه
المقادير
نصف لتر حليب
عصير برتقالة واحدة
عصير نصف حامضة
4 ملاعق سكر
1 فاني
االطريقة
نطحن العناصر كلها في الخلاط الكهربائي ثم نفرغها في كؤوس التقديم ثم ندخلها
الثلاجة لمدة ساعتين كيصبح نصف السفلي عصير و النصف العلوي كريم و نزين
بقليل من الكركاع او الشكلاط محكوك
و بالصحة الراحة
