شعر بلهجه لبنانيه مهضوم وحلو
انسان عايف حالوا
في ناس بيقولوا إنت طبعك غريب
ماشي بعكس السير
عالرغم كلـّك خير
وبتبلسم بأشعارك الجرح العصيب
مسكين شو طبعك غريب
ومرّة إجاك العشق عم ينده إلك
وقلـّك أمورك عال
ومن تقل دمـّك ما قدر يتحمـّلك
وشطـّب عليك وقال:
هيكي حرقت جناح بدّو يحملك؟؟!!
وكسرت قلب الغير
عالرغم كلـّك خير
وبتبلسم بأشعارك الجرح العصيب
مسكين شو طبعك غريب
ولمْ فقت تا تدوّر بعينك عالنسيم
بوراق زر صغير
قال الهوى يحرق عضامك شو غشيم
بْلا مواخذة.... بكـّير
طيرك مضى وسكـّر على الماضي القديم
وصفـّى لغيرك طير
عالرغم كلـّك خير
وبتبلسم بأشعارك الجرح العصيب
مسكين والله شو طلع طبعك غريب
ومع احترامي لـْناس بتقلـّلك ..... نصيب
يا طبع يحرق أخت أختك شو غريب
تحياتي لكم
