شهيوات الاطفال مع نادية ماضى من اكادير
رغايف بالروز
العجين رابعة من الطحين فورص+ 125 غرام القمح + ملح و خميرة العجين
والماء للعجن
تعجن ونخليها ترتاح وصاوبى الحشوة
فى مقلاة شحرى 2 بصلات مشلضين مع معلقة ك الزبدة و 2 معالق
الزيت البلدية و كمون وطحميرة والملح والابزار ز...معلقة ك حك مطيشة
و ضيفى 2 معالق من الزيتون اسود مقطع و 2 معالق من الزيتون الابيض
مقطع و 125 غرام الروز مصلوق تخلط وتبرد وعمرى الرغايف بالحشوة
وتدخل للفرن
معقودة
نصف كرومبة مقطعة طريفات صلقيه وصفيه وضيفى ليه 3 البيضات مطربين
وبصلة مشلضة و نصف كاس عنبة الدقيق ونصف كاس عنبة دقيق ونصف
كاس العنبة الحليب وملح والابزار وخمارة الحلوى خلطى الكل وتهز بالمعلقة
وتقلى فى الزيت
حلوى ماروخا
رابعة الزبدة + 4 صفار البيض + كاس الزيت + كاس السنيدة
2 خمارات + بكية شكلاط غبرة والدقيق الكافى
تخلط وتسرح بالمدلك وتقطع بشكل طولى تمرمد فى بياض البيض
تم فى كاوكاو مهرمش بقشوره
منين تطيب تفند فى الشكلاط مدوب
بسبوسة
2 كيسان السميدة رقيقة + كاس الدقيق + 2 بيضات
خمارة + كاس الزيت + كاس السنيدة + كاس مخلط
بين تمر والزبيب مقطع + ياغورت فانى و لفانى
تخلط وتكب فى المقلة ثقيلة وترش بنصف كاس الكوك
وتدخل للفرن منين تطيب تسقى بالسيرو
طريقة صنع الفرماج الاحمر
3 فرماجات مثلتين حمرين + بيضة + صفر بيضة
5 معالق ك الزيت يطحن الكل وتعمل فى الثلاجة تعقاد
صنع الحليب مركز محلى
نص لتر حليب فى كاسرونة مع 4 كيسان السنيدة
و 2 لفانى و خمارة الكل على نارحتى يعقاد
حياة من الصويرة
عصائر
العصير 1
4 خيزوات نقيهم وزولى ليهم القلب وتقطع وتصلق وخليه
يبرد وتعمل فى الخلاط مع الماء اللى تصلق فيه و 2 بنانات
و 2 ياغورت فريز والسنيدة
عصير 2
بطيخة + 2 معالق السنيدة + سيرو خضر
2 معالق السنيدة و سيرو حمر
طحنى البيتيخة مع السنيدة ونقصى كاس منها ضيفى ليه سيرو حمر
والباقى ضيفى ليه السيرو خضر و كبى فى الكؤوس الاحمر وفوقه الاخضر
عصير 3
2 كيوى + 2 ياغورت + السنيدة و نصف لتر حليب
عصير 4 بحال ياغورت
مانج مقطع + 3 ياغورت + معلقة ك العسل تطحن وتقدم بارد
عصير 5
2 بنانات او 2 خوخات + نصف لتر عصير الليمون
رابعة الكرعة حمراء + لفانى + قشرة ليمونة محكوكة
الكرعة مع قشرة الليمون تصلق و تعمل فى الخلاط مع باقى المكونات
وتطحن
مستمعة
عصير لافوكا بالكرعة
حبة لفوكا وكيلو الكرعة الخضر الصغيرة
الكرقة تغسل مزيان وتقطع وتفور 10 دقايق وخليها تبرد
من بعد تطحن فى الخلاط مع لفوكا و لتر ونص حليب
وصفة لتضييق المسام
2 بياض البيض تطرب مزيان وصيفى ليه 3 قطرا من عصير
الحامض وتعمل للوجه 20 دقيقة وتغسل بالماء البارد
تعمل 2 مرات فى الاسبوع
للاستفادة من قشور الخضر
قشور مطيشة
مطيشة تغسل مزيان و القشور تحتافضى بيهم فى المجمد
منين تكون عندك كمية كبيرة تاخديها وتفور فى الكسكاس
10 دقايق وتعمل فى الخلاط مع معلقة الطحميرة وضامة البنة
ومعلقة زيت المائدة وشوية الماء
تطحن مزيان حتى تختار ةتعمل فى ميكات هادى بحال مركز الطماطم
قشور الخيار
تكرميهم فوق زيت نقى وتطحنيهم تحصلى على غبرة
تعمل للوجه مع ماء ورد
البرتقال
تغسل مزيان وتنشف وحكى البرتقال ووتعمل فى ميكا
تنسمى بيها الكيك
المستمعة فاطمة
لتطويل الرموش
خلطى الحكل مع زيت الخروع و الزيت البلدية و زيت العنبر
وتعمل فى الماسكرا مدة شهر تبان ليك النتيجة
مادلين
3 البيضات + 400 غرام الدقيق + كاس الا ربع الزيت
كاس الا ربع السنيدة + كاس الا ربع عصير الليمون
معلقة ماء الزهر + 2 خمارات + 2 معالق ك النشا
تخلط وتعمل فى مولات صغار مدهونين منين تطيب
تدهن بالعسل ودردرى عليها الكوك
عصير
نصف لتر حليب + باغورت الخوخ + ساشى الخوخ
السنيدة
تخلط وتطحن
ياغورت
نصف لتر حليب + نصف لتر ماء بارد + ياغورت
ساشى الحليب غبرة + كاس السنيدة
فى الخلاط خلطى الماء مع الحليب غبرة والسنيدة والياغورت
غلى الحليب وضيفيه للخليط
خليه يرتاح 7 ساعات ويدخل للثلاجة
وصفة للزيادة فى الارادف
خلطى ماء ورد مع الخميرة وزيت اركان والحلبة
وتعمل للارادف
نعيمة ام عصام
شكلاط
رابعة الشكلاط اسود + نصف كاس الحليب
2 معالق ك الزبدة + 2 معالق كاكاو + كوكيز مطحون
لوز مقلى ومهرمش وممكن تضيفى الزبيب
الشكلاط يدوب فى حمام مريم و ضيفى ليه الزبدة والحليب
زوليه من فوق العافية وضيفى باقى المقادير وخليه يبرد عملى
منه كويرات وتفند فى شكلاط اسود مدوب من غير الشكلاط
اللى خلطنا مع العجين و فرمسيل الشكلاط
عصير
نصف لتر حليب + نصف لتر ليمون + السنيدة
رابعة الفريز + نصف كيلو خيزومصلوق + ياغورت
احمر ديال الاطفال
تخلط وتطحن فى مولينكس بان كيك
2 بيضات + 2 كيسان الدقيق + لفانى
2 خمارات + نصف كاس السنيدة + نصف كاس الزيت
كريم باتيسرى ضيفى ليه 2 معالق ك كاكاو
تخلط جميع المقادير وتطيب فى المقلة من 2 جهات
غادى تحصلى على 5 ديال البان كيك
تاخدى وحدة وتدهن بالكريم باتيسرى وتعملى فوقها وحدة
اخرى وتدهنى بالكريم وهكدا حتى تكملى وخوى فوقها الشكلاط
ورشى اللوز وخليها حتى تبرد وتقطع
